Gari Ki Petrol Average Kaise Behtar Karen? 7 Asan TareeqePetrol mehenga hone ki wajah se har driver chahta hai ke uski gari ka average acha ho. Agar aap ki gari zyada petrol pee rahi hai to ye 7 tareeqe apnayein, aap ki gari ka average 30% tak behtar ho jayega.1. Time Par Tuning Karwayen:
Har 5000 km ke baad gari ki tuning, air filter ki safai aur spark plug check karwana bohot zaruri hai. Ganda air filter gari ka average 20% tak kharab kar deta hai.2. Tyre Pressure Theek Rakhen:
Zyada log tyre pressure check nahi karte. Agar tyre me hawa kam ho to engine par zor parta hai aur petrol zyada lagta hai. Har week petrol pump se hawa check karen. Company ke bataye hue pressure par rakhen.3. Halke Pair Se Gari Chalayen:
Achanak race dena aur tez brake maarna average kharab karta hai. Hamesha halke pair se race den aur gari ko 60-80 ki speed me chalane ki koshish karen. 80 se upar gari zyada petrol khati hai.4. AC Ka Istamal Kam Karen:
AC gari ka average 1-2 km kam kar deta hai. Agar mausam acha hai to sheesha khol kar gari chalain. Aur AC ke filter ko har 3 mahine baad saaf karwayen.5. Gari Me Extra Wazan Na Rakhen:
Digi me fuzool ka saman, bhaari tools rakhne se gari par wazan parta hai. 50kg extra wazan se bhi average par farq parta hai. Sirf zaruri saman rakhen.6. Sahi Engine Oil Istamal Karen:
Hamesha company recommended engine oil hi dalwayen. Sasta ya ghalat oil engine ko kharab karta hai aur petrol zyada lagta hai. 3000-4000 km ke baad oil change zarur karen.7. Petrol Hamesha Ache Pump Se Dalwayen:
Milawat wala petrol engine ko kharab aur average ko khatam kar deta hai. Hamesha PSO, Total ya Shell ke ache pump se petrol dalwayen.Agar aap in 7 baton par amal karenge to aap ki gari ki average me wazeh farq aayega aur paise bhi bachen ge. Mazid tips ke liye MandiBazarPK ka blog parhte rahen.